Fundashon CITRO-Bonaire ta un organisashon di reskate marítimo konsistí di boluntarionan, ku e meta di ta disponibel dia i anochi pa yuda hende den peliger riba laman i na kosta di Bonaire.
Deskripshon di funshon
E sekretario di Fundashon CITRO Bonaire ta responsabel pa e asuntunan diario den direktiva di e fundashon. E ta mantené kontakto frekuente ku e presidente, tesorero i direktor tokante implementashon di asuntunan di maneho i ta supervisá ehekushon di tarea di tur miembro di direktiva. Ademas, e sekretario ta enkargá ku un archivo ordená, asina kumpliendo ku e obligashon atministrativo.
Responsabilidatnan
•Banda di tareanan formal di sekretario, e sekretario tin un ròl importante den komunikashon interno i eksterno di direktiva, hopi biaha via e-mail.
•Prepará agènda pa reunionnan di direktiva i sòru pa distribuí agènda, aneksonan i dokumentashon via e-mail.
•Tuma notanan durante reunionnan i prepará e rapòrt despues.
•Apoyá e presidente ku maneho di e fundashon i otro tareanan general.
•Ta disponibel na momentunan rasonabel via e-mail i telefòn pa kontestá preguntanan, atendé puntonan di akshon.
•Atendé korespondensia i dokumentashon di papelnan.
•Apoyá e tesorero ku asuntunan finansiero.
•Apoyá e direktor unda ta nesesario ku asuntunan operashonal.
•Komuniká informashon importante na direktiva, direktor i boluntarionan.
Abilidatnan
•Bo tin talento organisatorio i fásilmente ta mantené un bista general.
•Bo ta enfoká riba interesnan di e organisashon i ta kontribuí na e resultado komun huntu ku otronan.
•Bo ta un berdadero ‘networker’. Bo ta hasi pregunta i tuma inisiativa.
•Bo por establesé prioridatnan, konsultá, resolvé problemanan, motivá i stimulá.
•Bo ta dispuesto pa yena e posishon pa por lo ménos un periodo di un aña òf mas.
•Bo ta komuniká na den Hulandes, Ingles i Papiamentu, tantu papiá komo skirbí.
•Bo ta traha ku kòmpiuter.
Disponibilidat
•Dianan di trabou: fleksibel
•Oranan pa luna: mínimo 4 ora
No tin kompensashon disponibel pa e ròl boluntario aki.
Si bo ta interesá i ke apliká òf skibi un sita pa un enkuentro introduktorio, bo por tuma kontakto via info@citrobonaire.com