Trabou boluntario
Mi mester un deklarashon di derechi pa hasi trabou boluntario na Boneiru?
Boluntario ekstranhero (no ta Hulandes)
Estadia te ku 3 luna
Si un ekstranhero ta hasi trabou boluntario pa maksimo 12 siman den un periodo di 52 siman, e ora ei no ta nesesario un TWV. Komo ku e ekstranhero den e kaso aki ta keda den e periodo liber (komo turista), no ta nesesario tampoko pa pidi un pèrmit di estadia pa un tempu determiná.
Estadia mas largu ku 3 luna
Si un ekstranhero ta hasi trabou boluntario pa mas ku 12 siman, e ora ei un TWV ta obligatorio i e ekstranhero mester pidi tambe un pèrmit di estadia pa un tempu determiná bou di e limitashon relashoná ku ‘estadia komo boluntario’. Esaki ta un derecho di estadia temporal ku por wòrdu duna pa maksimo un aña. Despues di un aña no por prolongá e pèrmit di estadia mas. En prinsipio e dokumentonan ta meskos ku esnan pa trabou den servisio. Algun diferensia ta ku na lugá di un kontrakt di trabou, ta entregá un kontrakt di boluntario i ku e prueba di merkado laboral no ta un rekisito. Na final di e formulario di petishon (páginanan di splikashon) pa pèrmit di estadia pa tempu determiná bo mester wak bou di e titulonan “trabou den servisio” i ‘boluntarionan’. Tur e dokumentonan aki ta nesesario pa e petishon.
Boluntario Hulandes
Estadia te ku 3 luna
No tin mester di un deklarashon di atmishon di derechi. Por hasi trabou boluntario den nan tempu liber komo turista.
Estadia mas largu ku 3 luna
Mester pidi un deklarashon di atmishon di derechi (MBES08) mira anekso. Pa esaki mester entregá e siguiente dokumentonan (pa informashon general por konsultá nos wèpsait bou di e kopia Petishon di Estadia pa Hulandesnan – Deklarashon di atmishon di derechi):
- ingevuld en ondertekend aanvraagformulier
- kopie van het geldige paspoort van de aanvrager
- (for di 12 aña i si bo a biba tambe pafó di Reino den e último sinku aña): kopia *legalisá/apostiyá di deklarashon di bon kondukta, emití pa e outoridat kompetente durante e último sinku aña (no mas bieu ku 3 luna despues di e fecha di entrega) òf un deklarashon por eskrito (no mas bieu ku 3 luna riba e fecha di entrega) ku ta mustra esaki sufisientemente
- dokumentonan ku ta mustra ku tin akseso na habitashon den e entidatnan públiko
- prueba di medionan di eksistensia independiente, duradero i sufisiente een geldige vrijwilligersovereenkomst + kopie legitimatiebewijs hoofd
- un kontrakt di boluntario bálido + kopia di prueba di identifikashon di e hefe di organisashon di boluntario OF
- deklarashon di dunador di trabou (MBES29) + kopia di e hefe di organisashon di boluntario
Mi ta haña un kompensashon komo boluntario?
Kompensashon pa boluntario
Un kompensashon pa boluntario no ta obligatorio. Por traha akuerdonan tokante esaki na kuminsamentu di e trabou boluntario. No ta komun pa un boluntario haña un kompensashon. Ademas, si un boluntario risibí un kompensashon, e mester deklará esaki na belasting di entrada.
Kompensashon pa gastunan
Loke si ta sosodé di bes en kuando, ta ku boluntarionan ta haña un ‘kompensashon pa gastunan’. Esaki por ta pa gastunan di telefon, gasolin òf derecho pa pidi un deklarashon di derechi. Sin embargo, pa belasting mester por presentá un administrashon di esaki. Hasi akuerdonan tokante esaki di antemano ku e organisashon kaminda bo ta bai hasi trabou boluntario.
Fundashonnan i Asosiashonnan
Komo no-habitante di Boneiru, mi por fundá un fundashon òf asosiashon?
Si, komo no-habitante ta posibel pa fundá un fundashon/asosiashon.
Esaki si mester wòrdu establesé via un notario establesé na Boneiru. Ademas, den e estatutonan mester registrá un persona hurídiko ku si ta habitante di Boneiru (por pensa riba un koordinadó òf direktor) i mester tin un adrès lokal pa e registrashon.
Mi ke fundá un fundashon òf asosiashon, unda mi ta kuminsá?
Inskripshon di Fundashon/Asosiashon
- Formulario E (inskripshon di fundashon SPF òf asosiashon) https://bonairechamber.com/wp-content/uploads/2018/02/form_Model-E-inschr-stichting-SPF-of-vereniging.pdf
- Formulario Q (inskripshon di funshonario di persona hurídiko) https://bonairechamber.com/wp-content/uploads/2018/02/form_Model-Q-inschrijving-functionaris-rechtspersoon.pdf
- Formulario di firma pa inskripshon di funshonario nobo di tur direktiva https://bonairechamber.com/wp-content/uploads/2022/09/KvK-BES-signature-upload-form-NL.pdf
- Akta di Fundashon / Statutonan
- Kopia bálido di identifikashon di tur miembro di direktiva
- Prueba di adrès di tur miembro di direktiva
- Prueba di adrès di e fundashon/asosiashon
Mi mester pidi un areglo di pèrmit pa un fundashon òf asosiashon?
Ku eksepshon di un Fundashon/Asosiashon, pa tur forma di empresa na Boneiru mester pidi un pèrmit di establesimentu.