BONDOET

NGO Platform ta organisá BONDOET den kolaborashon estrecho ku Oranje Fonds. Oranje Fonds ta e fondo nashonal mas grandi riba tereno sosial i ta mustra Reino su mihó kara. Tur aña e ta invertí mas o ménos € 30 mion den organisashonnan i inisiativanan ku ta fortifiká koheshon sosial na Hulanda i den e parti Karibense di Reino. Rei Willem-Alexander i Reina Máxima ta patrono di e Fondo. Mira tambe www.oranjefonds.nl.

BONDOET ta ofresé organisashonnan sosial i fundashonnan lokal e oportunidat pa organisá nan trabou òf aktividat ku boluntarionan èkstra i medionan finansiero.

Di otro banda, BONDOET ta duna boluntarionan e chens pa konosé un organisashon durante un aktividat di un dia òf parti di un dia, sin mester kompromete nan mes mesora na e organisashon. Danki na BONDOET, organisashonnan lokal ta haña boluntario nobo tur aña, pasobra durante BONDOET boluntarionan ta haña un bon bista di loke e organisashon ta representá. Ku e esfuerso di e organisashon, e boluntarionan ta pasa un dia agradabel.